Belarusdan Ermənistana ağır zərbə

19 Dekabr 2014 16:35 (UTC+04:00)


APA-nın "BelTA" agentliyinə istinadən verdiyi məlumata görə, bunu Belarus xarici işlər nazirinin birinci müavini Aleksandr Mixneviç Ermənistanın Avrasiya İqtisadi İttifaqına qoşulmasına dair müqavilənin ratifikasiyası haqqında qanun layihəsini parlamentdə təqdim edərkən deyib.

"Biz Ermənistanın bir hissəsi olmayan Dağlıq Qarabağın da Gömrük İttifaqına qoşulması ehtimalından narahat idik. Ermənistan tərəfi bizim sorğumuzla bu anlaşılmazlığa aydınlıq gətirdi. Dağlıq Qarabağın Ermənistan ərazisi olmaması barədə memorandum sazişə əlavə olunub. Ermənistan tərəfi rəsmi açıqlama verib" – deyə A. Mixneviç vurğulayıb.

Nazir müavini həmçinin qeyd edib ki, Ermənistanın Gömrük İttifaqı və Avrasiya İqtisadi İttifaqının üzvü olması üçün heç bir əngəl qalmayıb.