Qızları İŞİD-çilərə aparanın kim olduğu bilindi
12 Mart 2015 21:54 (UTC+04:00)
ANS PRESS-in məlumatına görə, Türkiyənin Xarici İşlər naziri Mövlud Çavuşoğlu bu haqda açıqlama verib. Onun sözlərinə görə, 3 yeniyetmə qıza kömək edən şəxs kəşfiyyatçı olub.
"Bu qızlara kömək edən adam kim olub, bilirsinzimi? O tutulub. Həmin adam İŞİD-ə qarşı koalisiya içərisində olan ölkələrindən birinin kəşfiyyatına işləyir. Avropa Birliyi üzvü deyil, ABŞ da deyil. Mən bunu İngiltərə Xarici İşlər nazirinə də dedim. Mənə "həmişə olduğu kimi" cavabını verdi", - deyə nazir bildirib.
Qeyd edək ki, fevralın 17-də ikisi 15, biri 16 yaşında olan 3 yeniyetmə qız İŞİD-ə qoşulmaq üçün Londondan İstanbula gəlib. Onlar buradan Suriyaya keçmək istəyiblər. Hal-hazırda qızların axtarışları davam edir. Onların Suriyaya keçib-keçmədikləri araşdırılır.