İsmayıllıda torpaq sürüşməsi: 2 ev dağıldı, 14-ü təhlükədə

22 May 2015 22:39 (UTC+04:00)

İsmayıllı rayonunun Xan kəndi sakinlərinin ANS-ə verdiyi məlumata görə, kəndin Fit dağı hissəsində torpaq sürüşməsi baş verib. Sürüşmə nəticəsində 2 ev tamamilə məhv olub. Xoşbəxtlikdən ev dağılarkən heç kim xəsarət almayıb. Sözügedən sürüşmə zonasında 14 ev təhlükə qarşısındadır. Kənd isə 80-90 evdən ibarətdir. Kənd sakinləri bildirir ki, torpaq sürüşməsi nəticəsində digər evlərdə böyük çatlar əmələ gəlib. Sakinlər kənddə baş verən torpaq sürüşməsinin qarşısını almaq və qabaqlayıcı tədbirlər həyata keçirilirməsi üçün müvafiq orqanlardan kömək istəyir.