Türkiyə ordusu 2 şəhid verdi

1 Oktyabr 2015 12:45 (UTC+04:00)

APA-nın Türkiyənin "Milliyet" qəzetinə istinadən verdiyi məlumata görə, Diyarbəkir vilayətinin Silvan rayonunda hərbi hissəyə getmək üçün evdən çıxan 26 yaşlı Tolqa Topçuoğlu və 31 yaşlı Sinan Uçan terrorçuların atəşinə məruz qalıblar. Terror hücumuna məruz qalan hər iki hərbçi hadisə yerində ölüb.

Silahlı hücumdan sonra hadisə yerinə zirehli texnika və çoxlu sayda polis cəlb olunub.

Polis terrorçuların yaxalanması üçün əməliyyata başlayıb.