Ələsgər Məmmədoğlu yenidən xəstəxanaya düşdü

24 Noyabr 2015 17:16 (UTC+04:00)

Bu barədə AzNews.az-a aktyorun özü məlumat verib. Onun sözlərinə görə, səhər saatlarına səhhətində problem yaranıb və o, Respublika Diaqnostika Mərkəzinə aparılıb: "Öd kanallarım dolub. Bədənimə zəhərlənmə verir. Bu gün öd kanallarımı yuyublar. Sabah da sistem köçürəcəklər".

Aktyor qeyd edib ki, bu gecəni xəstəxanada qalacaq və səhər evə buraxılacaq.

Qeyd edək ki, Ə.Məmmədoğlu noyabrın 12-də özünü pis hiss edib və o, həmin günü Binəqədi Rayon Xəstəxanasına yerləşdirilib. Bir neçə gün müalicə olunduqdan sonra aktyor evə buraxılıb.

Bahar RÜSTƏMLİ
AzNews.az