Respublika stadionunun qazonu tamamilə çıxarıldı

Tofiq Bəhrəmov adına Respublika stadionunda ot örtüyünün dəyişdirilməsi ilə bağlı işlərə başlanılıb.

AzNews.az Qol.Az-a istinaədn xəbər verir ki, hazırda qazon tamamilə çıxarılıb. Ən qısa müddətdə yeni təbii ot örtüyü meydana döşəniləcək. Təbii ot örtüyü xarici ölkələrin birindən hazır formada gətiriləcək.

Arenanın direktoru Akif İsmayılov bildirib ki, prosesin 15 gün ərzində - "Qarabağ"ın Fransa "Sent-Etyen"i ilə keçirəcəyi Avropa Liqasının qrup mərhələsinin ilk tur matçınadək başa çatdırılması nəzərdə tutulub. Qarşılaşma sentyabrın 18-də oynanılacaq.

Qeyd edək ki, Respublika stadionunun hazırkı ot örtüyü havaların isti keçməsi ilə əlaqədar bərbad hala düşüb. İndiyədək arenalarımız arasında yalnız Lənkəran şəhər mərkəzi stadionuna hazır ot örtüyü gətirilib. Mərkəzi arena 2 il öncə əsaslı təmir olunsa da, ot örtüyü toxum hesabına salınıb.

AzNews.az