Ukraynada 3500 rus əsgəri öldürülüb

Ukraynada hərbi əməliyyatlarda öldürülən Rusiya hərbçilərinin sayı 3500-ə çatıb.

Axar.az xəbər verir ki, bu barədə ölən rusların axtarışı ilə məşğul olan rusiyalı hüquq müdafiəçisi Yelena Vasilyeva özünün Feysbuk səhifəsində yazıb.

"300 nəfər Pobeda yaxınlığında öldürülüb, 47 nəfər İlovayskdan geri çəkiləndə öldürülüb, Snejnoyedə 1200 döyüşçüdən 120-si (470 nəfər yaralı), Pskov desantlarından 70 nəfər (cəmi 10 nəfər sağ qalıb), 230 nəfər artilleriya atəşi zamanı öldürülüb, Qafqaz batalyonundan 60 nəfər, Novoazovsk yaxınlığında 59 meyit, təxminən 40 meyiti də şaxtaya atıblar. Cəmi 926 nəfər. Bu, yalnız müxtəlif mənbələrdən dəqiqləşdirilən məlumatlardır. Hələ nə qədər də döyüş meydanından çıxarılmayan yaralılar var. Hə, unutmuşdum, Krasnokamenska şaxtası yaxınlığında 600 meyit atıblar. Sayın!", - Vasilyeva bildirib.

Qeyd edək ki, bir müddət əvvəl Rusiyada "Əsgər anaları" təşkilatının apardığı hesablamalara görə, Ukraynada 2 minə yaxın rus əsgərinin öldürüldüyü bildirilmişdi.


AzNews.az