Haqqımızda | Reklam | Əlaqə


11.09.2013  20:34 

“Dəlicəsinə sevdiyim qadını məndən ayırmaq istəyirlər” – Murad Köhnəqla



A+  A-

Yazarların “hava məlumatları” – Axar.az-ın layihəsi



Murad Köhnəqala intihara hazırlaşır, Rəşad Məcid oğul toyu havasında...
Bu günlər havaların dəyişkən-buludlu olmasının səbəbini birbaşa mövsümlə əlaqələndirmək olar. Maraqlıdır, bəs bu aralar yazarlarımızın havası necə keçir?



Salam Sarvan:
Yaradıcılığımda elə bir yenilik olmur. Yəni ara-sıra olmaqla, ardıcıl olaraq şeir yazmaqdayam. İlin axırınadək təzə kitabım çıxmalıdır. Şəxsi həyat da ki, həmin maraqsız həyatdır. Səhər gəlirəm işə, axşam gedirəm. Bu qədər maraqsız və boz.


Zahir Əzəmət:
Son günlərdə yeni evə köçdük. Köçün məşəqqətini yeni evin rahatlığı ilə unutmaqdayam artıq. Yaradıcılıqda uzunmüddətli susqunluqdur. İşlərim isə böyüməkdə və inkişaf etməkdədir. Rəhbəri olduğum saytlarda bir çox yeni layihələrin təqdimatına hazırlaşırıq. Bunlardan ən maraqlısı ANN.az-ın nəzdində açılacaq milli musiqi portalıdır. Yeni qurduğumuz "Zero" nəşriyyatı da maraqlı kitabların nəşrini davam etdirir. Son işimiz Həmid Herisçinin "Portretlər" kitabı oldu. Kitab hələ satış şəbəkəsinə tam çatmasa da, artıq rezonans doğurub.


Şərif Ağayar:
Haruki Murakamini, Həmid Herisçini, Knut Hamsunu və Milan Kunderanı oxuyuram. Xahiş edirəm, gülməyin. Mən eyni vaxtda çoxlu kitab mütaliə edə bilirəm. Kunderanı təkrar oxuyuram. "Roman sənəti" əsərini. Ya bu kişi mənim sonuma çıxacaq, ya mən o kitabın... Öz yaradıcılığıma gəlincə, irihəcmli iki əsər üzərində işləyirəm. Birini xeyli yazmışam, o birinin hələ ki, ümumi konturları hazırdır. Mövzular barədə heç nə demirəm. Bircə anons verirəm: ikinci əsər yaxından tanıdığım bir eşcinsəl haqqında olacaq... Janrını roman kimi düşünmüşəm. Bir də cari yazılar... Bildiyiniz kimi... Şəxsi həyatımda elə bir yenilik yoxdur. Məktəblər açılır. Pula ehtiyacım var. Çoxu kimi... Uşaqlar gündə bir sifariş verir. “Yox” demək olmur. Bu, sevgi-məhəbbət söhbəti deyil ki, istəyəndə yaxanı kənara çəkə biləsən. İstərdim dərslər açılana qədər ölüm, sonra dirilim. Belə... Avara həyatdı də yaşayırıq... Hə, bir də onu deyim: içkini atdım. Düzdür, bu hadisə çox olub. Amma bu dəfə ciddiyəm. Əlimi vicdanımın üstünə qoyub əmin etdim. Bu qədər.


Aqşin Yenisey:
Vallah, evdarlığa qurşanmışam, soyuqların yolunu gözləyirəm. Yayda yalnız oxuya bilirəm, yazmaqla aram olmur. Xeyli qeydlərim var, payız ölkəmizə Rüstəm İbrahimbəyov kimi gəlsə, işilərim fırıq olacaq. Mənim yazmağım üçün üşüməyim lazımdı. Hələ ki, tər tökürəm başqa yazıçıları oxuya-oxuya.


Sevinc Pərvanə:
“Qanun” nəşriyyatında iki kitabım - biri roman, biri isə şeir kitabı (”Qadın olmasa”) çapa hazırlanır. Şəxsi həyatım, uşaqlarımın qayğıları, yaşadığımız kirayə evləri yoldaşımın işi ilə əlaqədar tez-tez dəyişəsi oluruq, uşaqların məktəblərini dəyişmək, yeni adamlara, yeni məkanlara adaptasiya olmaq və s. bildiyimiz əksər Azərbaycan ailələrinin yaşadığı problemlər...


Rəşad Məcid:
Bu gün oğlumun toyudu. Başım qarışıqdı.
Bəylə gəlinin toydan sonra prezidentin bağışladığı evə köçüb-köçməyəcəyini soruşuruq, deyir:
- Ev hələ təhvil verilməyib.


Murad Köhnəqala:
Deyim dəə: 10 gün olar, yemək yemədən turş meyvələrlə araq içirəm... Üzümü qırxmağa əlim qalxmır. Depressiyaya düşürəm, dəfələrlə intiharın müxtəlif variantları haqda düşünmüşəm. Ailəm başda olmaqla, bütün cəmiyyət üstümə gəlir. Dəlicəsinə sevdiyim qadını məndən ayırmaq istəyirlər. Müqavimət göstərməkdən ikimiz də havalanmaq dərəcəsinə çatmışıq. Mənim Lent.az saytında çap olunan şəkilli yazılarımı həmin sevdiyim xanım Şəlalə Göytürklə birlikdə hazırlayırıq. Lakin ailəmdə bizim bu birliyimizi şiddətli qısqanırlar və mənə, özləri üçün pul qazanmağa mane olurlar. Düşünürəm ki, mənim Şəlalə xanımla vəhdətim pozulsa, evə, uşağa pul apara bilməyəcəm. Çünki iş vərdişim onunla bağlıdır. Bu mənada uşaqlarımın anasının "ayrılmalısan!" tələbini yerinə yetirməli olsam, ümumilikdə 5 nəfər acından qırılacaq. Buyur, bu da bir Azərbaycan yazıçısının durumu!


Seymur Baycan:
Bu yaxınlarda çapa verəcəyim proza kitabımın redaktəsi ilə məşğulam. Şəxsi həyatımda yeni və maraqlı heç nə yoxdu. Monoton həyat yaşayıram. Budur, dünənki kimi oturmuşam şəhərdə, “Sirab” içirəm. Bir azdan çıxıb gedəcəm evə, vəssalam. Mövsüm dəyişikləri səhhətimə mənfi təsir edir. Hər dəfə yeni mövsümə bir aya ancaq adaptasiya oluram.
Gürcüstanın Marneuli rayonunun Təkəli kəndində Azərbaycan, Ermənistan və Gürcüstanın vətəndaş cəmiyyətinin nümayəndələrinin yenidən bir araya gələcəkləri görüşə dəvət almışam, gedib-getməyəcəyimi hələ dəqiqləşdirməmişəm.


Səlim Babullaoğlu:
Eyni vaxtda iki tərcümə əsəri üzərində işləyirəm: biri romandır, biri isə poeziya. İrihəcmli əsərlərdir. Hesab edirəm ki, ədəbi mühitimiz üçün hadisə olacaq.
Böyük silsilə ədəbi layihə üzərində işləyirəm. Yaxın aylarda mətbuat üçün açıqlama olacaq. Çox böyük layihələrdir.
Axır aylar heç nə yazmıram. Yəqin ona görə ki, yazmaq üçün bütün işləri kənara qoymaq, səssizlik lazımdır. Xaqaninin sözləri ilə desək,
“Dəftəri sükutun dizləri üzərinə qoyub yazmaq lazımdır”. Təəssüf, buna indi imkanım yoxdur. Uşaqlar məktəbə hazırlaşır.
Şəxsi həyatın ən önəmli hadisələri isə yəqin budur - onların yanında olmağı bacarmaq.


Qismət:
Universitetlərdə dərslər başlayır, buna görə də dərs proqramlarımı gözdən keçirirəm, sillabuslara baxıram, ədəbiyyat siyahımda redaktələr edirəm. Bunlar işin rəsmi tərəfidir, rəsmi olmayan və çox zövq aldığım hissəsi isə xırda alış-verişdir. Yeni rəngbərəng qələmlər, bloknotlar, markerlər almağı hədsiz sevirəm. Yaradıcılıqda vəziyyət belədir ki, esselər kitabım hazırdı, yaxın günlərdə çapa verməyi düşünürəm. Yarımçıq qalmış "Sənət cərəyanları" adlı bir kitabım var, onu bitirməyi düşünürəm. Roman üzərində işləyirəm, hələ ürəyim istəyən nəticəni almamışam. Bir neçə kitab var ki, ciddi şəkildə onları oxumağa başlamaq istəyirəm. Bəzi kitablar da var ki, onları tələbəlik illərində oxumuşam, yenidən oxumaq istəyirəm, amma təzədən o kitablara qayıtmaq qəribə şəkildə mənə çətin gəlir. Bir yolunu tapıb onları təzədən gözdən keçirməliyəm.

AzNews.az


Xəbər 2425 dəfə oxunub.




Bölməyə aid digər xəbərlər

01.09.2014

Heydər Əliyevin adını daşıyan Həştərxandakı məktəbdə - “Bilik günü” (Foto)

01.09.2014

Uşaq Teatrı Vişeqrad Akademiyasına qatıldı

30.08.2014

Deputatın əsərinin çəkilişlərinə dövlətdən dəstək axtarılır

29.08.2014

Leyla Əliyeva “Əli və Nino” filmi çəkir

28.08.2014

Prezident xalq artistinə ev verdi - Video

27.08.2014

Nərgiz Paşayevanın qızı İslam moda forumunda

27.08.2014

Elariz: “Qardaşımın şəhid olmasını bu gün də anamdan gizlədirik” -Müsahibə

27.08.2014

Türk müğənni Azərbaycanda mükafatlandırıldı -FOTO

23.08.2014

TOMAŞIN FACİƏSİ - Şahbaz Xuduoğlunun yazısı

23.08.2014

Cənnət Səlimovadan xəbər var

23.08.2014

Tanınmış aktyor ağır əməliyyat keçirdi

22.08.2014

Teatr səhnədə soyundurmağa qız axtarır – Azərbaycanda

22.08.2014

“1984”ün müəllifinin yeni kitabı Azərbaycan dilində

20.08.2014

Museyib kişinin Rəşadı

20.08.2014

Maestro Niyazinin doğum günüdür

18.08.2014

Sevgi “piroqu”- Məhəbbət və seks haqqında...

18.08.2014

Yazıçılar Birliyi yeni layihəyə başlayır

16.08.2014

Habil Əliyev: “Məni kövrəltməyin, indi ağlayaram” (MÜSAHİBƏ)

15.08.2014

Tanınmışlar Cavad Heyətlə vida mərasimində -FOTO (Yenilənib)

15.08.2014

Anardan yeni möhtəşəm əsər

02.09.2014  22:42 

Parlamentə hücum edildi

02.09.2014  21:05 

Bakı 12 döyüş kateri aldı

02.09.2014  20:18 

Hərbi təyyarə qəzaya uğradı

02.09.2014  19:29 

Səmada təhlükə var

02.09.2014  19:01 

Merin qatilləri həbs edildi

02.09.2014  14:41 

TQDK xəbərdarlıq etdi

02.09.2014  14:29 

Facebook nəzarətçiləri

02.09.2014  13:44 

Qadının seksual sirləri – 16+

02.09.2014  13:41 

Dünən 28 nəfər tutulub

02.09.2014  13:12 

Sabah hava küləkli olacaq

02.09.2014  11:49 

Avropa komissarı Bakıya gəlir

BÜTÜN XƏBƏRLƏR +