Ana oğlunun qatilini asılan anda bağışladı - FOTOLAR

7 il əvvəl oğlu öldürülmüş ana aprelin 15-də İranın Nur şəhərində keçirilən edam mərasimində qatili son anda bağışlayıb.

2007-ci ildə Nur şəhərində 17 yaşlı Bilal adlı yeniyetmə həmyaşıdı Abdulla Hüseynzadəni qətlə yetirib. Bilal edama məhkum edilib.

Aprelin 15-də sübh saatlarında Bilalın dar ağacından asılması üçün hər şərait yaradılıb. Yaşanan həyəcanlı mərasimdə yüzlərlə insan Abdullanın anasından qatili bağışlamağı xahiş edib. Qatil polis qüvvələrinin müşayiəti ilə edam yerinə gətirilib. Abdullanın anası kəndiri qatilin boynuna keçirib. Qatil və onun ailə üzvləri anaya yalvararaq onu bağışlamağı xahiş edib. Son anda ana qatilin üzünə şillə çəkəndən sonra kəndiri onun boğazından çıxararaq bağışlayıb.

Ölümdən qurtaran Bilal ananın ayaqlarına düşərək minnətdarlığını bildirib.

Abdulla Hüseynzadənin atası, veteran futbolçu Əbdülqəni Hüseynzadə jurnalistlərə deyib ki, qatil ailəsindən qanpulu alıb və həmin vəsaitlə oğlunun adına bir futbol məktəbi açmaq niyyətindədir.(Mediaforum)
image description image description image description image description image description image description image description image description image description