İran səfiri: "Xudafərin" və "Qız Qalası" SES-lərin istismara verilməsi məsələsi gündəmdədir

“Eyni zamanda, İran, Azərbaycan və Rusiya Federasiyası arasında elektrik şəbəkələrinin üçtərəfli inteqrasiyası üzrə proqram yekunlaşma mərhələsindədir, bu da tələbat yarandığı təqdirdə, enerji mübadiləsinin qarşılıqlı əsaslarla reallaşdırılmasına imkan yaradacaq. Qaz mübadiləsi - swap əməliyyatları da uğurla davam etdirilir. Xüsusilə, Azərbaycan qazının İran ərazisindən keçməklə Naxçıvan Muxtar Respublikasına çatdırılması layihəsi icraatdadır”, - diplomat bildirib.

Bundan əlavə, İran səfiri qeyd edib ki, Xəzər dənizindəki karbohidrogen yataqlarının birgə işlənməsi və istismarı ilə bağlı müzakirələr davam etməkdədir: “İran və Azərbaycan "Xudafərin" və "Qız Qalası" su elektrik stansiyalarının tamamlanması və istismara verilməsi məsələsini gündəmdə saxlayır. Qeyd olunan bu layihələr yalnız elektrik təchizatına töhfə verməklə məhdudlaşmır, eyni zamanda, su ehtiyatlarının səmərəli idarə olunması və kənd təsərrüfatı sektorunda da mühüm strateji rol oynayır”.

Aznews.az