"Azərbaycan da belə bir problemlə üzləşib" "Azərbaycan da belə bir problemlə üzləşib"
  • Paytaxt
  • 15 Aprel 2019 12:40
  •  2 267

“Bu ölkələri müvafiq tədbirlər görməyə çağırırıq” - Baş nazir

"Azərbaycan da belə bir problemlə üzləşib"

"Ermənistan tərəfindən işğal olunmuş ərazilərimizə cəlb edilən şirkətlərin qanunsuz iqtisadi fəaliyyəti işğalın davam etdirilməsinə, eləcə də narkotrafikə və digər cinayət hallarına şərait yaradır".

Bunu baş nazir Novruz Məmmədov deyib.

O bildirib ki, dünya ictimaiyyəti hərbi münaqişə zonalarından narkotiklərin qanunsuz dövriyyəsi üçün istifadə olunmasından narahatlıq hissi keçirir: "Azərbaycan da belə bir problemlə üzləşib. 25 ildən çoxdur ki, Azərbaycanın tarixi torpaqları olan Dağlıq Qarabağ və ətraf 7 rayon Ermənistan silahlı qüvvələri tərəfindən işğal edilib. İşğal altındakı həmin ərazilərdən narkotik vasitələrin istehsalı və tranzit üçün istifadə edilməsi narkobiznesin və beynəlxalq terrorizmin genişlənməsinə münbit şərait yaradır".

Baş nazir qeyd edib ki, bu kimi halların aradan qaldırılması üçün işğal olunmuş ərazilərdə iqtisadi maliyyə fəaliyyətlərinin, pul köçürmələrinin, sərmayə yatırımlarının qarşısı alınmalıdır: "Azərbaycan tərəfindən sözügedən vəziyyətə nəzarət edilməsi məqsədilə müvafiq "qara siyahı"lar tərtib olunub. Bununla bağlı Azərbaycan işğal olunmuş ərazilərdə qanunsuz fəaliyyətə cəlb olunan fiziki və hüquqi şəxslərin mənsub olduğu ölkələri müvafiq tədbirlər görməyə çağırır".(report.az)

AzNews.az