• Paytaxt
  • 28 Noyabr 2022 16:12
  •  1 882

Güney Azərbaycan Keçici Milli Məclisinin Təşkilat Komitəsinin üzvləri Bakıdadır

Azərbaycan Ümid Partiyasının dəvəti ilə Güney Azərbaycan Keçici Milli Məclisinin Təşkilat Komitəsinin üzvləri Azərbaycana səfərə gəliblər.

Aznews.az APA-ya istinadən xəbər verir ki, səfər çərçivəsində Təşkilat Komitəsinin növbəti iclasının, həmçinin Azərbaycan Ümid Partiyası və ölkəmizdə fəaliyyət göstərən digər siyasi partiyalarla, qeyri-hökumət təşkilatları və media nümayəndələri ilə görüşlərin keçirilməsi nəzərdə tutulub.

Səfər noyabrın 30-a kimi davam edəcək.

Təşkilat Komitəsinin üzvləri Ümummilli Lider Heydər Əliyevin və akademik Zərifə Əliyevanın məzarlarını, həmçinin Seyid Cəfər Pişəvərinin məzarını, Şəhidlər xiyabanını və “Türk Şəhidliyi” abidəsini ziyarət edib və gül dəstələrini qoyublar.