“Azəriqaz”-dan sayğaclara limit tətbiq edilməsi ilə bağlı açıqlama- Rəsmi

"Azəriqaz" "smart" tipli sayğaclarda balansın artırılmasına limit tətbiq edib.


Bu barədə AzNews.az-a açıqlamasında "Azəriqaz" İstehsalat Birliyinin Ictimaiyyətlə Əlaqələr şöbəsinin rəisi İbrahim Kərbəlayev deyib. Onun sözlərinə görə, limitin məbləği 200 manat təsdiq edilib: "Bu rəqəm dekabr ayı üçün təyin edilib. 30 noyabr 2016-ci il tarixdən 1 yanvar 2017-ci ilə kimi əhali "smart" sayğaclarına 200 manatdan çox qaz yükləyə bilməz."

İbrahim Kərbəlayev qeyd edib ki, buna səbəb kimi ilin sonunda proqram təlimatında yenilənmənin aparılması və tarif şurasının 28 noyabr 18 nömrəli qərarının icrasının yayınma hallarının qarşısının alınmasıdır.

Bahar RÜSTƏMLİ
AzNews.az