Estakadanın uçması nəticəsində itkin düşənlərin axtarışlarına başlanıb - FHN (Yenilənib)

Bu gün səhər saat 05.00 radələrində Xəzər dənizində əsən güclü külək nəticəsində “Azneft” İB-nin N.Nərimanov adına Neft Qaz Çıxarma İdarəsinin 3 saylı Neft Yıığım Məntəqəsində yerləşən estakadanın dənizə uçması nəticəsində itkin düşən neftçilərin dərhal axtarışına başlanıb.


Fövqəladə Hallar Nazirliyinin mətbuat xidmətindən AzNews.az-a verilən məlumata görə, nazirliyin "Vixr-5" və "Vixr-8" gəmiləri artıq hadisə yerindədir, axtarışlar aparılır.

Axtarış işlərinə Fövqəladə Hallar Nazirliyinin "Vixr-5" və "Vixr-8" gəmiləri, nazirliyin Xəzər Hövzə Qəza-xilasetmə Xidmətinin "Svetlomor-2" gəmisi, həmçinin, çətin hava şəraitinə baxmayaraq FHN-in Aviasiya dəstəsinin bir helikopteri cəlb olunub.


AzNews.az