Bakı metrosunda yeni xətlər - Lökbatan, Mehdiabad...

2035-ci ilədək Bakı metropoliteni xətlərinin uzunluğu dörd dəfə artacaq.

AzNews.az Trend-ə istinadən xəbər verir ki, Bakı ərazisinin zonalaşdırılması və istifadəsi planında nəzərdə tutulub.

Plana əsasən metropoliten xətlərinin uzunluğu hazırkı 37,8 kilometrdən 145 kilometrə çatdırılacaq. Xırdalan şəhəri, Lökbatan, Binəqədi, Mehdiabad, Digah qəsəbələrinədək metro xətlərinin çəkilməsi planlaşdırılır.

Hazırda Bakı metropoliteni 25 stansiya və 3 xətdən ibarətdir. İnkişaf planına əsasən, metropolitendə xətlərin sayı 5-ə, stansiyaların sayı 76-ya çatdırılacaq.