“Direktoru həmin idarənin mühasibi öldürüb” - DİN-dən açıqlama

Daxili İşlər Nazirliyi "Azərsığorta"nın Tovuz filialının direktorunun öldürülməsi ilə bağlı açıqlama yayıb.

Daxili İşlər Nazirliyinin mətbuat xidmətindən AzNews.az-a verilən məlumata görə, aprelin 22-də Tovuz şəhər sakini Vahid Bayramov RPŞ-yə müraciət edərək aprelin 20-də bacısı Raya Bayramovanın evdən çıxmasını və geri qayıtmamasını bildirib.

Görülən tədbirlərlə R.Bayramovanın baş nahiyəsində xəsarəti olan meyiti müdiri olduğu Tovuz Dövlət Sığorta İdarəsinin inzibati binasında tapılıb.

Polis və prokurorluq orqanları əməkdaşlarının həyata keçirdikləri istintaq və əməliyyat-axtarış tədbirləri nəticəsində qətli törətməkdə şübhəli bilinən həmin idarədə mühasib işləyən şəhər sakini Vidadi Vəliyev tutulub.