Bakının ən məşhur bazarı bağlanır? - Video

Paytaxtında mərkəzində yerləşən və tanınmış bazarlardan biri olan Təzə bazarın bağlanmaq xəbəri təşvişə səbəb olub.

AzNews.az "XəzərXəbər”ə istinadən xəbər verir ki, saytlarda təzə bazar bağlandı adı altında yayılan xəbərlər təşvişə səbəb olub. Buna görə məsələnin əslini öyrənmək üçün paytaxtın mərkəzində yerləşən bu bazara üz tutduq.

Mağazalar açıq, bazar isə fəaliyyətdə. Bazarın baş nəzarətçisi Qabil Quliyev bildirir ki, bazarın bağlanması ilə bağlı məsələ müzakirə mövzusu deyil. Sadəcə idarəçilik formasında dəyişiklik ediləcək.

Qabil Quliyev onu da bildirdi ki, təzə bazar yaxın zamanlarda yeni görkəm alacaq və bazarda hər şey müasir tələblərə uyğun olaraq qurulacaq.

Xatırladaq ki, təzə bazar həm də ev heyvanlarının ən çox satıldığı yer olaraq da tanınır.