Telman İsmayılovun Moskvada bunkeri tapıldı - QALMAQAL

ŞƏHƏR POLİSİ ONUN QANUNSUZ FƏALİYYƏTİLƏ BAĞLI ARAŞDIRMAYA BAŞLADI



Moskvada azərbaycanlı iş adamı Telman İsmayılov qanunsuz işçi çalışdırmaqda ittiham edilir. Belə ki, məşhur iş adamına məxsus və 2009-cu ildə bağlanan "Çerkez" bazarında bunker aşkar edilib və bu böyük hay-küyə səbəb olub.

Moskva polisinin cinayət axtarış şöbəsindən verilən məlumata görə, bunkerdə 220 miqrantın çalışması üçün şərait olub.

Burada qanunsuz miqrantların işləməsi üçün 122 tikiş maşını da aşkarlanıb. Miqrantlar səhərdən axşama kimi həmin maşınlarda tikişlə məşğul olublar.

AzNews.az-ın "RİA Novosti"yə istinadən verdiyi xəbərə görə,bunkerdə işçilərin istirahəti də nəzərə alınıb və hərtərəfli şərait yaradılıb. Bunkerdə hətta türk kafesi və manqal, işçilərin poker oynaması üçün kazino, 35 nəfərlik kinozal da aşkar edilib.

Bunkerdəki "tikiş fabrikində" çalışanlardan birinin hətta 2005-ci ildə Rusiyadan deportasiya edildiyi də məlum olub.

Elnarə
AzNews.az