Kəmaləddin Heydərov vətəndaşlarla görüşəcək- Qubada

Fövqəladə hallar naziri, general-polkovnik Kəmaləddin Heydərov fevralın 28-də Quba şəhərində vətəndaşların qəbulunu keçirəcək.


Fövqəladə Hallar Nazirliyinin (FHN) saytında bildirilir ki, qəbulda Quba, Xaçmaz, Qusar, Şabran və Siyəzən rayonlarının sakinləri, habelə həmin rayonlarda müvəqqəti məskunlaşmış məcburi köçkünlər iştirak edə bilərlər.

Qəbulda yalnız FHN-in fəaliyyəti ilə bağlı müraciətlərə baxılacaq.

Qəbula gələn vətəndaşların qeydiyyatı Quba şəhər Mədəniyyət Evinin binasında (ünvan: Quba şəhəri, Heydər Əliyev prospekti 165) 27 fevral 2014-cü il tarixində saat 10:00-dan başlayacaq. Vətəndaşlar qəbula gələrkən şəxsiyyəti təsdiq edən sənəd təqdim etməlidirlər.

AzNews.az