Polad Bülbüloğlu: “Patriarx Kiril Azərbaycanı dəstəkləyir”

“ Patriarx Kiril Prezident İlham Əliyevin rəhbərliyi ilə Azərbaycanda gedən inkişaf prosesini diqqətlə izləyir və dəstəkləyir”.




AzNews.az AzərTAc-a istinadən xəbər verir ki, bu sözləri Qafqaz Müsəlmanları İdarəsinin sədri Allahşükür Paşazadənin rəhbərlik etdiyi nümayəndə heyətinin Moskvanın və bütün Rusiyanın patriarxı Kirillə görüşündə iştirak edən Azərbaycanın Rusiyadakı səfiri Polad Bülbüloğlu deyib.

P. Bülbüloğlu bildirib ki, patriarx Kiril Rusiyanın görkəmli şəxsiyyətlərindən biridir: "Belə nüfuzlu din xadiminin şeyxülislam Allahşükür Paşazadəni yüksək səviyyədə qarşılaması, ona orden təqdim etməsi, habelə onun Dağlıq Qarabağ münaqişəsinin həlli, hazırda dünyada baş verən hadisələrlə bağlı söylədiyi fikirlər olduqca önəmlidir".
Diplomat şeyxülislam Allahşükür Paşazadənin də Rusiyada böyük nüfuzu olduğunu vurğulayıb.

AzNews.az