Azərbaycanlı jurnalist Gürcüstanın əməkdar jurnalisti oldu

“Gürcüstan” qəzetinin baş redaktoru, əslən azərbaycanlı olan İslam Əliyev Gürcüstanın əməkdar jurnalisti adına layiq görülüb.

AzNews.az AzərTAc-a istinadən xəbər verir ki, nu haqda Gürcüstan Jurnalistlər İttifaqı məlumat yayıb. Məlumatda deyilir ki, o, bu ada Gürcüstan mətbuatındakı uzunmüddətli və uğurlu fəaliyyətinə görə layiq görülüb.

Qeyd edək ki, 1970-ci ildən "Gürcüstan" qəzetində çalışan İslam Əliyev 2004-cü ildən 2014-cü ilədək AzərTAc-ın Gürcüstan üzrə xüsusi müxbiri vəzifəsində çalışıb. 2015-ci ildən o, "Gürcüstan" qəzetinin baş redaktoru təyin edilib.

İslam Əliyev jurnalist kimi uzunmüddətli səmərəli fəaliyyətinə görə Gürcüstan dövlətinin digər mükafatlarına da layiq görülüb.