Daha bir sayt fəaliyyətini dayandırdı

Azərbaycanın internet mediasında daha bir sayt fəaliyyətini dayandırıb.


AzNews.az xəbər verir ki, "KarabakhİNFO.com" beynəlxalq elektron jurnalı bu gündən yenilənmir.
Saytın redaksiya telefonlarına isə cavab verən yoxdur.



Qeyd edək ki, "KarabakhİNFO.com" beynəlxalq elektron jurnalı 2012-ci il aprel ayının 10-da Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) prezidenti, millət vəkili Elxan Süleymanovun ideya müəllifliyi və təşəbbüsü ilə yaradılıb.

Xatırladaq ki, martın 1-dən etibarən "Teleqraf Holding" və " APA Holding"in tərkibinə daxil olan 6 sayt da ("Kult.az", "Tabloid.az", "İsvestiya.az" və "Kulis.az", "Ailem.az" , "Avtolent.az") fəaliyyətini dayandırıb.