- Köhnə - Cəmiyyət
- 16 Mart 2015 20:59
- 8 150
Süfrələrin bəzəyi olan quru meyvələrin əsl qiymətləri- SİYAHI
Azərbaycan bazarına çıxarılan və Novruz bayramında süfrələrin bəzəyi olan quru meyvələrin idxal qiyməti hər kəsi təəccübləndirəcək. Belə ki, Bakı bazarlarında bir kiloqramı 10-25 manata olan quru meyvələr xaricdən qəpik-quruşa alınır.
AzNews.az xəbər verir ki, bu barədə virtualaz.org-a kənd təsərrüfatı üzrə ekspert Vahid Məhərrəmov məlumat verib.V.Məhərrəmovun sözlərinə görə, quru meyvələrin qiyməti ilə bağlı araşdırma aparıb. Bəlli olub ki, bir kiloqramı 0,49-1 dollara alınan məhsullar bazara dəfələrlə baha çıxarılır.
Ekspert siyahını da təqdim edib:
1 kiloqram malın idxal dəyəri ( ABŞ dolları ilə)
Qabığı təmizlənmiş badam - 0,49
Banan təzə, qurudulmuş - 0,92
Qabığı təmizlənmiş qoz - 0,97
Qurudulmuş qara gavalı - 0,45
Qurudulmuş üzüm - 0,52
Qurudulmuş ərik - 0,50
Qabıqlı badam - 0,55
Keşyu fındığı - 0,46
Təzə heyva - 0,31
Hind qozu - 0,61
Şabalıd - 0,49
Püstə - 0,99
Ekspert qeyd edib ki, çərşənbələrdə və Novruz bayramında ən çox aldığınız malların idxal qiymətləri Dövlət Statistika Komitəsinin təqdim etdiyi malların idxalı və ixracına dair göstəricilərdə də yer alıb.