Arif Alışanov köməkçisini direktor təyin etdi - “İdman Azərbaycan“a

“Azərbaycan Televiziya və Radio Verilişləri” Qapalı Səhmdar Cəmiyyətinin sədri, millət vəkili Arif Alışanov öz köməkçisi Fərman Orucovu "İdman Azərbaycan" Televiziyasının direktoru təyin edib.

Bu haqda məlumat AzNews.az-a AzTV-dən verilib.

Qeyd edək ki, Fərman Orucov AzTV-də uzun müddətdir ki, çalışır. O, əvvəlki sədr Nizami Xudiyevin dövründən başlayaraq sədrin köməkçisi vəzifəsində işləyib.

Xatırladaq ki, Fərman Orucov Yeni Azərbaycan Partiyasının Sumqayıt Şəhər təşkilatının idarə heyətinin və Şurasının üzvüdür. O, 2011-ci il noyabr ayının 10-da Azərbaycan Prezidenti İlham Əliyevin sərəncamı ilə "Tərəqqi" medalına layiq görülüb.