Bakıdan Sumqayıta ilk işçi qatarı yola düşəcək

Sentyabrın 2-də Bakıdan Sumqayıta qədər ilk işçi qatarı yola düşəcək.


Bu barədə AzNews.az-a "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov bildirib.

Onun sözlərinə görə, ilk işçi qatarı ilə QSC-nin rəhbər işçiləri gedəcəklər:

"Azərbaycan Dəmir Yolları" QSC-nin İnfrastruktur Departamenti, Sərnişindaşıma, Rabitə-Siqnalizasiya, Elektrik-Təchizatı Departamentinin əməkdaşları ilk işçi qatarı ilə yola düşəcəklər".


Onun sözlərinə görə, onlar yola baxış keçirəcək və harda çatışmazlıq olduğuna baxacaqlar.

Qeyd edək ki, ilk işçi qatarı bu gün saat 11:00-da yola düşəcək.

Onu da əlavə edək ki, dünən Bakı-Sumqayıt sərnişin sahəsində əsaslı təmir başa çatıb.