İnsan bəşəriyyətinin tarixinə yenidən baxıldı – Alimlər dəlillər gətirdilər

“Homo sapiens” genomuna insanların nəsli kəsilmiş növlərinin DNT-i introqressiya edib

Beynəlxalq alimlər qrupu Monqolustanda insanların Avrasiya çölləri ilə hesab olunduğundan da təxminən 10 min il əvvəl səyahət etdiyini sübut edən daş əmək alətləri aşkar ediblər.

AzNews.az bildirir ki, bu barədə “Phys.org” tərəfindən yayılan press-relizdə deyilir.

2011-ci ildən 2016-cı ilə qədər Tolbor çayı boyunca aparılan qazıntılar zamanı tapılan artefaktların yaşı 45 min ilə çatır.

Ümumilikdə, bir neçə min daş alət aşkar edilib ki, onlardan 826-sı ən qədim insan məskənləri ilə bağlıdır. Uzun və iti ülgüclü silahlar Sibir və Çinin şimal-qərbindəki qazıntılar zamanı aşkar edilənlərlə analojidir. Bu, insanların region üzrə irimiqyaslı məskunlaşdığını göstərir.

Heç bir insan qalıqlarının tapılmamasına baxmayaraq, alimlər əmindirlər ki, alətlər müvafiq hazırlanma texnikasına malik olmayan neandertal və denisovlar tərəfindən deyil, məhz müasir tipli insanlar tərəfindən yaradılıb. Tədqiqatçılar həmçinin üzvi qalıqlar vasitəsilə iqlim şəraitini müəyyən ediblər. Region daha rütubətli və isti idi ki, bu da onu mal-qaranın otarılması üçün daha əlverişli edirdi.

Alətlərin yaşı təxminən müasir tipli insanlar və denisovlar arasında əlaqələrin vaxtına uyğun gəlir. Hesab edilir ki, sonuncular “Homo sapiens”ə orqanizmi hipoksiyaya daha davamlı edən və nisbətən seyrək havası olan, məsələn, Tibet dağları kimi yerlərdə məskunlaşmağa imkan verən genləri ötürüblər.

Denisovlar (Homo altaensis) Altayda Denis mağarasında daşlaşmış qalıqları aşkar edilmiş qədim insanların növü və ya yarımnövüdür. Onların neandertallara eyni qrupa daxil olduğu hesab edilir. Bu yaxınlarda əldə olunan yeni dəlillərə əsasən, denisovlar və neandertallar öz aralarında cütləşə və birgə övlada malik ola bilirdilər.

Məlumdur ki, müasir anatomiyalı insanlar Afrikanı 100 min il əvvəl tərk edib və “Homo” cinsinin digər növləri — neandertal və denisovlarla cütləşərək bütün Avrasiyada məskunlaşıblar. Bu, “Homo sapiens” genomuna insanların nəsli kəsilmiş növlərinin DNT-nin introqressiyasına gətirib çıxarıb.

AzNews.az