- Qayıdış
- 19 Oktyabr 2018 11:54
- 1 338
Paşinyan Sarkisyanın azad etdiyi korrupsioner generalı geri çağırır
Paşinyan qanunsuz silah satan, sabiq yüksək vəzifəli general Enriko Apryamovu struktura geri qaytarmaq niyyətindədir.
Erməni KİV-ləri xəbər verir ki, bu barədə məlumat Ermənistan Müdafiə Nazirliyində olan mənbə tərəfindən bildirilib.
Məlumata görə, 64 yaşlı general-leytenant Enriko Apryamovu Ermənistan SQ BD rəisinin məsləhətçisi vəzifəsinə geri sistemə qaytarmaq niyyətindədirlər. O, 2000-ci ildən 2017-ci ilədək SQ BQ rəisinin müavini olub.
Onun adı müxtəlif korrupsiya qalmaqallarında hallanıb. Bu korrupsiya hallarından ən qalmaqallısı 2012-ci ildə bir qrup yüksək vəzifəli hərbçilər tərəfindən qanunsuz silah-sursat satılması olub.
Maraqlıdır ki, general-leytenant Enriko Apryamov 2017-ci ilin 3 may tarixində Serj Sarkisyanın əmri ilə tutduğu vəzifədən azad edilərək, ordudan təxris olunub. General-leytenant Enriko Apryamov Yuri Xaçaturov və Mikayel Harutyunyanla yaxın olub.
Digər bir məlumata görə isə Ermənistanın hazırkı müdafiə naziri Davit Tonoyan, hətta onu 2017-ci ildə fövqəladə hallar nazirliyinə apararaq, özünə müavin təyin etmişdi. Apriyamov həmin vəzifədən bu ilin may ayında azad olunub.
© AzNews.az