- Mahal
- 21 Fevral 2019 12:52
- 1 660
Vəlvələçayda boğulan sürücünün meyiti tapıldı
Axtarışlar başa çatdı
Quba rayonunun Vəlvələ kəndi yaxınlığında Vəlvələçay çayında aparılan qazıntılar zamanı çaya düşən sürücünün meyiti tapılıb.
AzNews.az FHN-ə istinadən xəbər verir ki, fevral ayının 7-də ekskavatorun aşması nəticəsində suya düşən 1978-ci il təvəllüdlü Qasımov Vüqar Eyvaz oğlunun axtarışları başa çatıb.
Fövqəladə Hallar Nazirliyinin Şimal Regional Mərkəzinin xilasedicilərinin, Kiçikhəcmli Gəmilərə Nəzarət və Sularda Xilasetmə Dövlət Xidmətinin və Xüsusi Riskli Xilasetmə Xidmətinin dalğıc-axtarış qruplarının həyata keçirdikləri axtarış işləri nəticəsində V.Qasımovun meyiti tapılıb.
Xatırladaq ki, 07.02.2019-cu il tarixində Quba rayonunun Vəlvələ kəndi yaxınlığında Vəlvələçay çayında aparılan qazıntılar zamanı sürücü Vüqar Qasımov suya düşüb.
AzNews.az