Belçika Türk Assosiasiyasının binası qarşısında partlayıcı qurğu tapıldı

Belçikanın paytaxtı Brüsseldə partlayıcı qurğu zərərsizləşdirilib.

APA-nın RTBF telekanalına istinadən verdiyi xəbərə görə, polisə Belçika Türk Assosiasiyasının binası qarşısında şübhəli əşyanın aşkarlanması ilə bağlı məlumat daxil olub.

Məlumata görə, müvafiq təxliyə tədbirlərindən sonra əldəqayırma partlayıcı qurğu yerindəcə zərərsizləşdirilib. Hadisə nəticəsində zərərçəkən olmayıb.

Brüssel polisi faktla bağlı araşdırmalara başlayıb.

AzNews.az