Dubay əmirinin 15 yaşlı qızından nümunəvi hərəkət - Video

Dubayın əmiri Rəşid əl Məktumun 15 yaşlı qızı da atası kimi xalqın ürəyini fəth etməyə davam edir.

AzNews.az xarici KİV-ə istinadən xəbər verir ki, Rəşid əl Məktum xalqının yaşayış şəraitini yaxşılaşdırmaq üçün müxtəlif dövlət layihələri həyata keçirir. Bunlardan biri də supermarketlərdə və mehmanxanalarda artıq qalan qidalardan ibarət “Qida bankı”nın yaradılmasıdır.

Bu layihənin əhəmiyyətini vurğulamaq üçün, əmir öz qızını da bu işə cəlb edib. 15 yaşlı Şammu qidalanların paylanması üçün keçirilən ilk aksiyada aktiv iştirak edib.

Əmir öz İnstagram səhifəsində aksiya ilə bağlı video da paylaşıb. Paylaşımın altında öz qızı ilə fəxr etdiyini, nümunəvi övlad olduğu üçün ona təşəkkür yazıb.