Səudiyyə Ərəbistanı İraqa yeni səfir təyin edəcək

Səudiyyə Ərəbistanı yaxın vaxtlarda İraqa yeni səfir təyin edəcək.

AzNews.az "Report"a istinadən bildirir ki, bu barədə İraqın Xarici İşlər Nazirliyinin bəyanatına istinadən "Al Arabiya" telekanalı məlumat yayıb.

Ötən ilin avqustunda rəsmi Bağdad Ər-Riyaddan səfir Tamer əs-Sabhanın İraqda olmasını ikitərəfli münasibətlərin inkişafı üçün "maneə" adlandıraraq ona əvəz tapılmasını tələb edib.
Səudiyyənin Bağdaddakı diplomatik nümayəndəliyi İraqın 1990-cı ildə Küveytə hərbi müdaxiləsindən sonra bağlanıb və yalnız 1 yanvar 2016-cı ildə 26 ildən sonra öz fəaliyyətini bərpa edib.