Məktəbdə kütləvi zəhərlənmə

Hadisə Türkiyədə olub

Türkiyənin Şanlıurfa vilayətində 300 uşaq qidadan zəhərlənib. Kütləvi zəhərlənmə Viranşəhir rayonundakı məktəblərdən birində qeydə alınıb.
Məktəb yeməkxanasında yedikləri yeməkdən zəhərləndikləri ehtimal edilən şagirdlər ürəkbulanma ilə xəstəxanalara çatdırılıblar. Onların bir qismi ilkin tibbi yardımdan sonra evə buraxılsa da, əksəriyyətinin müalicəsi davam etdirilir.

Zəhərlənmə faktı ilə bağlı araşdırma başladılıb, hələlik heç bir rəsmi açıqlama verilməyib.

AzNews.az