“Rusiya üsyançıların seçkilərini tanıyacaq” - Lavrov

Rusiya Ukraynanın şərqində noyabrın 2-də separatçıların keçirməyə hazırlaşdığı mübahisəli seçkilərin nəticəsini tanıyacağını bildirib.

AzNews.az xəbər verir ki, bu haqda məlumatı Rusiyanın xarici işlər naziri Sergey Lavrov yayıb.

Məlumatda deyilir ki, Donetsk və Luqanskda keçiriləcək seçkilərin həmin regionlardakı hakimiyyətin legitimləşdirilməsi üçün mühüm rol oynayacağını vurğulayıb.

Lakin Qərb və Ukrayna ölkənin şərqində seçki keçirilməsinə yol verməmək məqsədilə Rusiyanı separatçılara təzyiq göstərməyə çağırıb.

Sergey Lavrov isə "Biz ümid edirik ki, seçkilər nəzərdə tutulan şəkildə keçiriləcək və biz, əlbəttə nəticələri tanıyacayıq" deməklə rəsmi Moskvanın mövgeyini açıqlayıb.