İrandan müdhiş təklif - Dollar yerinə TL olsun

Iranın iqtisadiyyat naziri Əli Tayyipniya iki ölkə ticarətində TL və İran rialından (İRR) istifadə edilməsi təklifi ilə çıxış edib.



AzNews.az xəbər verir ki, Tayyipniya verdiyi açıqlamada qardaş ölkə olaraq xarakterizə etdiyi Türkiyə ilə əlaqələrin hər keçən gün daha da inkişaf etdiyini deyib.



"TIR problemi kimi kiçik problemlər əlaqələrimizin inkişafına mane olmamalıdır. İki ölkə arasında ticarət həcminin 30 milyard dollara çatdırılması üçün əlimizdən gələni edəcəyik. Ticarətdə USD yerinə İRR və TL işlətsək, sanksiyaların mənfi təsirləri ortadan qalxar və qarşılıqlı ticarətimiz asanlaşar. Buna əlavə olaraq gömrük mövzusunda da gömrük nazirlərimiz arasında keçirilən görüşlərdə nəqliyyatdakı problemlər aradan qaldırılacaq. İnşallah, bütün bunlar 30 milyard dollar hədəfinə çatmağımıza köməkçi olacaq", - deyə iranlı nazir bildirib.