Avropa qocalır

“Dünyanın ən sürətlə qocalan regionu Avropadır. Avropanın immiqrantlara ehtiyacı var. Avropa isə immiqrantların gəlməsini istəmir”.

AzNews.az xəbər verir ki, bu haqda məlumatı Reuters yayıb.

"Almaniya, İspaniya və Polşanın əhalisi yaxın 30-40 ildə azalacaq, bu da iqtisadi artımı aşağı salacaq. 2050-ci ilə Almaniyanın əhalisi indiki 82 milyondan 74,7 milyona düşəcək. Almaniyada orta yaş 50 olacaq", - deyə "Avrostat" proqnoz verib.

"Avrostat" bu proqnozunu miqrasiyanın indiki səviyyədə qalmasına əsaslanaraq verib.
Miqrantlar hesabına yeni işçilər gəlməsə, Avropa ölkələri məhsuldarlığı kəskin şəkildə artırmalıdırlar ki, indiki həyat səviyyəsini saxlaya bilsinlər.

Məhsuldarlığın belə artması isə ağlabatan deyil. Deməli, yeganə yol miqrantların çoxaldılmasıdır.