Polşa prezidenti Donbas razılaşmasını şərh etdi

“Donbasda əldə olunan sülhün müddəti qısa olacaq”.

AzNews.az xəbər verir ki, bu sözləri Polşa prezidenti Bronislav Komorovski "TVN24" telekanalına müsahibəsi zamanı deyib.

Komorovski son Minsk razılaşmasının əhəmiyyətli və lazımlı olduğunu deyib:
"Bu, Ukraynanın müstəqilliyni dəstəkləmək üçün atılan siyasi addımdır. Minskdə Ukraynanın ərazi bütövlüyünün pozulmaması haqda çox vacib danışıqlar aparıldı. Bu öhdəliklər Fransa, Almaniya və Rusiya üçün də keçərlidir" .

Qeyd edək ki, Minsk razılaşmasına əsasən, fevralın 15-də saat 00:00-dan etibarən Ukraynada atəş dayandırılmalı, bütün xarici silahlı birləşmələr, hərbi texnika və muzdlular ATƏT-in müşahidəsi altında Ukraynadan çıxarılmalı, Ukraynada 2015-ci ilin sonuna qədər Konstitusiya islahatı həyata keçirilməlidir.

Nigar
AzNews.az