San-Marino “Bakı-2015”də 15 idmançı ilə təmsil olunacaq

San-Marino “Bakı-2015” birinci Avropa Oyunlarında 15 idmançı ilə təmsil olunacaq.



AZƏRTAC "Bakı-2015"in saytına istinadla xəbər verir ki, san-marinolu atletlər Bakıda idmanın 7 növü üzrə mübarizə aparacaqlar.

"Cırtdan ölkə"ni kamandan oxatma yarışlarında Emanuele Guidi, atletikada Eugenio Rossi, Martina Muraççini, Federiko Qorrieri, Cosef Villiam Querra, cüdoda Cessika Zannoni, Karim Qarbi, atıcılıqda Alessandra Perilli, Arianna Perilli, Manuel Mançini, üzgüçülükdə Yelena Giovannini, Beatris Feliçi, David Bernardi, stolüstü tennisdə Letizia Giardi, taekvondoda isə Miçele Çeççaroni təmsil edəcəklər.