““Bakı-2015” Azərbaycanın inkişafını göstərmək üçün əla imkandır”

İlk Avropa Oyunları Azərbaycanın bütün gözəlliyini və inkişafını göstərmək üçün əla imkandır.



Bunu "Azernews" qəzetinə müsahibəsində Argentinanın Azərbaycandakı səfiri Karlos Dante Riva deyib.

Onun sözlərinə görə, Azərbaycan xalqı Avropa Oyunları kimi iri tədbirin təşkili üçün çox əmək sərf edib: "İndi nail olduğunuzdan zövq almağınızın vaxtıdır. Biz açılış mərasimini səbirsizliklə gözləyirik. Oyunlar üçün xüsusi yaradılmış yeni tikililərə heyran qalırıq".

Səfir qeyd edib ki, Bakı həmişə gözəl şəhər olub, indi isə yeni gözəlliyə qovuşub: "Bunu Oyunlara görə xoşbəxt olan və fəxr edən əhalinin parlayan gözlərindən görmək olar".