"Səbail"in Moldova yığmasına çağırılan futbolçusu Yevgeni Koçuk bu matçda sonadək ehtiyatda qalıb. "Səbail"in Moldova yığmasına çağırılan futbolçusu Yevgeni Koçuk bu matçda sonadək ehtiyatda qalıb.
  • Fanat
  • 25 Mart 2019 23:13
  •  2 478

AVRO-2020: Türkiyə Moldovanı darmadağın etdi

"Səbail"in Moldova yığmasına çağırılan futbolçusu Yevgeni Koçuk bu matçda sonadək ehtiyatda qalıb.

Futbol üzrə Türkiyə milli komandası AVRO-2020-nin seçmə mərhələsində növbəti oyununu keçirib.

"H" qrupunda yer alan "ay-ulduzlular" 2-ci turda Moldova yığması ilə qarşılaşıb.

Eskişehir Yeni Stadionunda təşkil olunmuş qarşılaşma meydan sahiblərinin böyük hesablı qələbəsi ilə yekunlaşıb - 4:0.

Türkiyə prezidenti Rəcəb Tayyip Erdoğanın canlı izlədiyi qarşılaşmada hesabı 24-cü dəqiqədə Hasan Ali Kaldırım açıb. Bundan 2 dəqiqə sonra Cenk Tosun fərqi artırıb. 53-cü dəqiqədə Türkiyə yığmasının kapitanı Burak Yılmaz penaltidən yararlana bilməyib. Lakin cəmi 1 dəqiqə sonra Tosun özünün ikinci, komandasının üçüncü qolunu vurub. Son nöqtəni isə 70-ci dəqiqədə Kaan Ayhan qoyub. "Səbail"in Moldova yığmasına çağırılan futbolçusu Yevgeni Koçuk bu matçda sonadək ehtiyatda qalıb.

Beləliklə, ardıcıl ikinci qələbəsini qazanan Türkiyə yığması xallarını 6-ya çatdırıb. Moldova isə yenə qapısından 4 top buraxıb. İlk turda bu komanda Kişinyovda Fransaya uduzub - 1:4. "Ay-ulduzlular" isə evdə Albaniyaya 2:0 hesabı ilə qalib gəlib. "H" qrupunda 2-ci tura saat 23:45-də başlanacaq Fransa - İslandiya və Andorra - Albaniya matçları ilə yekun vurulacaq.

AzNews.az