Premyer Liqada kuryoz hadisə: Hakim tıxaca düşdü və...

Qarşılaşmanı 4-cü hakim Oliver Lanqford idarə edib

İngiltərə Premyer Liqasının 2-ci turu çərçivəsində keçirilən “Çelsi” – “Lester” oyununa əvvəlcədən təyinat alan hakim Qraham Skott tıxacda qalaraq gecikib və təyinatını yerinə yetirə bilməyib.

İngiltərə mətbuatı xəbər verir ki, “Stemford Bric”də keçirilən qarşılaşmanı 4-cü hakim Oliver Lanqford idarə edib.

Qraham Skott Londonda yolda zəncirvari qəza baş verdiyi üçün tıxaca düşüb. Oyunun başlamasına 10 dəqiqə qalmış stadiona çatan Qrahamın görüşü idarə etməsinə icazə verilməyib.

Oyunu idarə edən Oliver Lanqford isə hakimlik karyerasında ilk dəfə Premyer Liqada baş hakim olub.

“Çelsi” – “Lester” matçı 1:1 hesabıyla bitib.(qafqazinfo.az)

AzNews.az