- Fanat
- 22 Avqust 2019 18:33
- 1 633
“Neftçi” bəyanat yayıb
“Neftçi” PFK bəyanat yayıb
Aznews.az-ın məlumatına görə, bəyanatda bildirilir ki, bu mövsüm Avropa Liqasındakı son oyununda uğursuz nəticə həm klubu, həm də azarkeşləri məyus edib: "Bu səbəbdən azarkeşlərimiz tərəfindən gələn reaksiyanı klub rəhbərliyi, məşqçilər və futbolçular normal qarşılayır.
Lakin istər klub rəhbərliyinin, istər məşqçilərin, istərsə də futbolçuların və onların ailə üzvlərinin təhqir olunması yolverilməzdir. Bildiririk ki, sosial mediada yazdığınız hər bir təhqir məşqçi və futbolçu heyətinin ailə üzvləri tərəfindən oxunula bilər. Bu isə xoşagəlməz halların yaranmasına gətirib çıxarır, komanda üzərində əlavə təzyiqlər yaradır, futbolçuların toparlanmasına mane olur.
Klubda gedən hər bir proses nəzarət altındadır. İstəyirik ki, azarkeşlərimiz də hәmişәki kimi komandanın yanında olsunlar. Həmişə olduğu kimi hədəfimiz çempionluqdur. Bu mövsüm birlikdə buna nail olmağa çalışacağıq. Biz qələbələr üçün var gücümüzlə sonacan döyüşəcəyik. Çәtin yolda komandanın ruhu həm də sizdәn asılıdır! Azarkeşlərimizi bizimlə bir güc olmağa səsləyirik.
Qeyd edək ki, "Neftçi"nin fransalı forvardı komandanın azarkeşlərini şəxsi instaqram səhifəsindən təhqir edib. O, həmçinin azarkeşlərin şərhinə qeyri-etik cavab verib.