Türkiyə millisi öz meydanında Fransa yığmasını 2:0 hesabı ilə məğlub etmişdi Türkiyə millisi öz meydanında Fransa yığmasını 2:0 hesabı ilə məğlub etmişdi
  • Fanat
  • 15 Oktyabr 2019 08:48
  •  2 012

“AVRO-2020”: Türkiyə səfərdə Fransa ilə heç-heçə etdi - liderliyini qorudu

Türkiyə millisi öz meydanında Fransa yığmasını 2:0 hesabı ilə məğlub etmişdi

Futbol üzrə 2020-ci il Avropa çempionatının seçmə mərhələsində 8-ci turun növbəti oyunları keçirilib.

Turun üçüncü gününün mərkəzi qarşılaşması “Stad de France” stadionunda oynanılıb. Türkiyə millisi səfərdə son dünya çempionu Fransa yığması ilə qarşılaşıb. Görüş 1:1 hesabı ilə heç-heçə başa çatıb.

Oyunda hesabı meydan sahibləri 76-ci dəqiqədə açıblar. Antuan Qrizmanın künc ötürməsindən sonra Olivye Jiru dəqiq baş zərbəsi ilə tamamlayıb - 1:0. Qoldan 6 dəqiqə sonra türkiyəlilər hesaba tarazlıq gətirib. Cərimə zərbəsini yerinə yetirən Hakan Çalxanoğlu Kaan Ayxana dəqiq ötürmə verib. Sonuncu dəqiq zərbə ilə adını tabloya yazdırıb. Bu nəticədən sonra Türkiyə millisi xalların sayını 19-a çatdıraraq H qrupunda liderliyi davam etdirir. Eyni xala malik Fransa millisi ikinci yerdədir. UEFA-nın reqlamentinə görə, komandalar eyni xala malik olduğu təqdirdə aralarında oyunun nəticəsinə əsasən üstün sayılır.

Xatırladaq ki, Türkiyə millisi öz meydanında Fransa yığmasını 2:0 hesabı ilə məğlub etmişdi.

Xatırladaq ki, günün 7 qarşılaşmasında aşağıdakı hesablar qeydə alınıb:

“A” qrupu:

Bolqarıstan - İngiltərə - 0:6;

Kosovo - Monteneqro - 2:0.

“B” qrupu:

Litva – Serbiya - 1:2;

Ukrayna – Portuqaliya - 2:1.

“H” qrupu:

Fransa - Türkiyə - 1:1;

İslandiya – Andorra - 2:0;

Moldova - Albaniya - 0:4.

AzNews.az

image description image description