- Fanat
- 27 Dekabr 2019 16:21
- 3 199
AFFA daha 7 nəfəri danışılmış oyunlara görə cəzalandırıb
Qurumun İntizam Komitəsinin iclası keçirilib
Yığıncaqda Birinci divizionda çıxış edən “Neftçi-2”, MOİK və “Binə” futbol klublarının bir neçə oyununda qeydə alınmış şübhəli məqamlarlar müzakirə olunub.
AFFA-nın nəzdində fəaliyyət göstərən danışılmış oyunlarla bağlı xüsusi komissiyanın və ekspertlərin apardığı araşdırmaya, həmçinin UEFA-dan AFFA-ya daxil olan məlumatlara əsasən, klubların adları göstərilən futbolçuları və digər futbol funksionerləri, o cümlədən futbolda hər hansı fəaliyyəti olmayan şəxslərin nəticəsi manipulyasiya olunmuş oyunlarda iştirakı müəyyən olunub. Komissiyanın və ekspertlərin rəyi, UEFA-nın məlumat və hesabatları nəzərə alınaraq bütün adları göstərilən şəxslərin futbolla bağlı bütün növ fəaliyyətlərinə qadağa qoyulur:
“Qaradağ Lökbatan” (I Divizion)
1. Məmmərzayev Tural – futbolçu
MOİK (I Divizion)
1. Həsənov Orxan – futbolçu
2. Ağakərimzadə Yamin – futbolçu
3. Yaqubzadə Raul – futbolçu
"Forza Neftçi" (Futzal, I Liqa)
1. Məmmədov Elmir – məşqçi
“Keşlə”
1. Babayev Mehman - məşqçi
2. Səfərov Asəf – klub rəsmisi
Qeyd edək ki, siyahıda sanksiyaya məruz qalan şəxslərin son klubları göstərilib. (APA sport)
AzNews.az