Terror nəticəsində “Beşiktaş”ın 2 əməkdaşı həlak olub - Fotolar

Klubun mağazasının əməkdaşı və arenanın təhlükəsizlik xidmətinin bölməsinin başçısı ölüb.


AzNews.az istinadən xəbər verir ki, "Beşiktaş" klubunun öz rəsmi saytında yaydığı məlumata görə, klubun 2 əməkdaşı Vodafone Arenanın yaxınlığında baş verən partlayış nəticəsində həlak olub.


Onlardan biri klubun mağazasında çalışan Tunç Uncu, digəri isə arenanın təhlükəsizlik xidmətinin bölməsinin başçısı Vəfa Karakurdudur.


Daha əvvəl "Beşiktaş"ın mətbuat xidməti məlumat yayıb ki klubun azarkeşləri terror aktına qədər stadionu tərk edib.

Qeyd edək ki,ötən gecə Beşiktaş Vodafone Arenanın yaxınlığında, Beşiktaş-Bursaspor oyununun sonuna yaxın baş verən partlayış nəticəsində 29 nəfər həlak olub, 166 nəfər yaralanıb. Partlayış Maçka parkında polislərin olduğu ərazidə terrorçunun özünü partlatması nəticəsində baş verib.
image description image description image description image description