Mağazalardan külli miqdarda oğurluq edən dəstə saxlanıldı - VİDEO

Şəmkir, Goranboy, Gədəbəy, Tərtər və Ucar rayonlarından silsilə oğurluqlar törətdiyinə görə tutulan Arzu Əsgərlinin və Qurban Məmmədovun ətrafında Şəmkir RPŞ əməkdaşları tərəfindən əməliyyat tədbirləri aparılıb.

ARB TV xəbər verir ki, onlar ötən il iyulun 14-də rayon ərazisindəki mağazalardan birindən 240 manat pul və 5.000 manat dəyərində tütün məmulatı oğurlayıblar.

Xatırladaq ki, Arzu Əsgərli Goranboy rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində fevral ayında yaxalanmışdı. Onun digər dəstə üzvləri ilə birlikdə şəmkirdə 5 mağazanı qarət etdiyi, həmyerlisi Anar Quliyevə məxsus “Niva” markalı avtomobili soyğunçuluq yolu ilə ələ keçirdiyi məlum olmuşdu.

Faktla bağlı araşdırmalar davam edir.