Öldürülən türkiyəli iş adamının cənazəsi ölkəsinə göndərildi – ÖZƏL+FOTO

Əməkdaşımız mərhumun Göy Məsciddəki vida mərasimindən yazır - FOTOLAR

Xəbər verdiyimiz kimi, iyunun 5-də Bakının Yasamal rayonunda türkiyəli iş adamı qətlə yetirilib.

AzNews.az-ın yaydığı xəbəri bu gün Daxili İşlər Nazirliyi də təsdiq edib. Nazirliyin yaydığı məlumatda deyilir ki, Yasamal rayonu, Azərbaycan prospektindəki "Göyçay Kərpisan" LTD MMC-nin ofisində, həmin cəmiyyətdə icraçı direktor işləyən Türkiyə vətəndaşı Alim Məhəmmədin üzərində çoxsaylı bıçaq xəsarətləri olan meyiti tapılıb.

AzNews.az-ın məlumatına görə, 1969-cu il təvəllüdlü türkiyəli iş adamının cənazəsi Bakıdakı Göy Məsciddə yuyulub, son mənzil üçün hazırlandıqdan sonra ölkəsinə göndərilib.

Müxbirimizin də iştirak etdiyi yola salmaq mərasimdə mərhumun xeyli dostu iştirak edib.

Əməkdaşımızın Göy Məsciddə çəkdiyi fotoları təqdim edirik:

Elvin
AzNews.az