- Köhnə - Hadisə
- 1 Oktyabr 2013 09:45
- 8 338
Azərbaycanda 25 nəfəri əqrəb sancıb
Bunu Lent.az-a açıqlamasında Kliniki Tibbi Mərkəzin Toksikologiya Mərkəzinin müdiri Azər Maqsudov söyləyib.
Azər Maqsudov deyib ki, may ayında 16 nəfəri, iyunda 14 nəfəri, iyulda 18 nəfəri, avqustda 21 nəfəri, sentyabr ayında 5 nəfəri ilan sancıb. İndiyə qədər ilan sancmaları nəticəsində iyun ayında 1 nəfər həyatını itirib. Bu, Salyan rayon Şəkərli kənd sakini, 2007-ci il təvəllüdlü Gülnar Akif qızı Didarovadır. İlan sancma halları Siyəzən, Kürdəmir, Şəki, Qazax, Tovuz, Qəbələ, Bərdə və Yevlaxda qeydə alınıb.
Azər Maqsudov bildirib ki, may ayında 6 nəfəri, iyunda 4 nəfəri, iyulda 7 nəfəri, avqustda 4 nəfəri, sentyabr ayında 4 nəfəri əqrəb sancıb. Əqrəb sancan şəxslər həkimə müraciət etsələr də, kliniki əlamətlər zəhərlənmə olmadığını göstərib.
Hörümçəyin zəhərli növü olan qara qurd isə iyul və avqust aylarında 6 nəfəri, sentyabrda 3 nəfəri sancıb. Ancaq həkimə müraciət edən həmin şəxslərdə kliniki əlamətlər zəhərlənmə olmadığını göstərib.
AzNews.az