“Mersedes” aşdı: 2 yaralı

Yevlax-Aran-Mingəçevir magistral yolunda 2 nəfərin ağır yaralanması ilə nəticələnən avtomobil qəzası baş verib. ANS PRESS-in EL TV-yə istinadən verdiyi məlumata görə, yüksək sürətlə idarə olunan "Mersedes" markalı minik avtomobili yolun kənarına çıxaraq aşıb.

Nəticədə "Mersedes"-in sürücüsü 1948-ci il təvəllüdlü Məhəmməd Behbudov və onun sərnişini 1955-ci ildə anadan olan Zahid Muxtarov yaralanıb. Onlar Mingəçevir Şəhər Mərkəzi Xəstəxanasına çatdırılıblar.

Faktla bağlı araşdırma aparılır.


AzNews.az