Avtobusda xəsarət alanların adları açıqlandı - SİYAHI

“Bakı-Qazax yolunda baş verən dəhşətli qəzada yaralılardan ikisinin vəziyyəti ağırdır”.

AzNews.az xəbər verir ki, bunu Gəncə şəhər Təcili Tibbi Yardım Xəstəxanası baş həkimi Azad Quliyev bildirib.

Onun sözlərinə görə, ağır olan xəstələr - sürücü 1985-ci il təvəllüdlü Vasif Əli oğlu Osmanov və 1968-ci il təvəllüdlü Dilavər Məhəmməd qızı Şəmsiyevadır.

"Digər 5 yaralı isə bunlardır: 1963-cü il təvəlüldlü Gülşən Dursun qızı Alıyeva, 1968-ci il təvəllüdlü Həmayıl Cahangir qızı Süleymanova, Nabat Qurban qızı Hacıyeva, 1953-cü il təvəlüdlü Hürü Mustafa qızı Ayvazova, 1993-cü il təvəlüldlü Bəhruz İlham oğlu Mamedov. Avtobus qəzasında sonra 20 nəfər Gəncə şəhər Təcili Tibbi Yardım Xəstəxanasına çatdırılıb. Daxil olan yaralıların çoxunun xəsarətləri yüngül olduğu üçün müalicə üçün evə buraxılıblar", - deyə baş həkim bildirib.

Qeyd edək ki, Bakı-Qazax yolunun 364-cü kilometrliyində, Göygöl rayonu ərazisində "KamAZ" markalı yük avtomobili ilə "Mercedes" markalı sərnişin avtobusunun toqquşması nəticəsində yanğınla nəticələnən yol-nəqliyyat hadisəsi baş verib. Hadisə nəticəsində 2 nəfər ölüb, 40 yaxın sərnişinin yarandığı deyilir.


Babək Göyüş
AzNews.az