Nəqliyyatın hərəkəti məhdudlaşdırıldı

Bakı şəhərinin Badamdar şosesinin Abbasqulu Abbaszadə küçəsi ilə kəsişməsindən Badamdar dairəsi istiqamətində aparılan təmir işləri ilə əlaqədar nəqliyyat vasitələrinin hərəkəti məhdudlaşdırılıb.



Nəqliyyatı İntellektual İdarəetmə Mərkəzindən AzNews.az-a bildiriblər ki, yolun digər hərəkət hissəsində nəqliyyat vasitələrinin ikitərəfli hərəkəti təmin olunub.

Bakı Şəhər İcra Hakimiyyəti tərəfindən aparılan təmir işlərinin həftə ərzində başa çatdırılması planlaşdırılır.


AzNews.az